САД одобрија продажба на ракети на Германија
Соединетите држави одобрија продажба на Германија на приближно 600 проектили и опрема за нивните системи за противвоздушна одбрана „Патриот“, во износ од пет милијарди долари.
Трансакцијата „ќе ја подобри способноста на Германија да се соочи со сегашните и идните закани и ќе ги зголеми одбранбените способности на нејзините вооружени сили“, соопштија од DSCA.
По ова одобрување на Стејт департментот, DSCA испрати, според законот, известување до Конгресот, кој мора да даде конечно зелено светло.
По избувнувањето на руската инвазија на Украина во 2022 година, Берлин стана вториот најголем снабдувач на воена помош за Киев по Вашингтон.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
