Груевски ќе направи увид во градежните работи на ПЕТ-Центарот

Премиерот Никола Груевски денеска ќе направи увид во градежните работи за изградба на Центарот за позитронска емисиона томографија - ПЕТ-Центар, во кругот на Градската општа болница „8 Септември“ - Скопје, кој започна да се гради на 7 ноември 2013 година. 

Објектот е проектиран како современ здравствен објект во кој ќе биде вградена најсовремена опрема за радиофармација, радиопротекција и дијагностика.

ПЕТ-Центарот е инвестиција вредна околу 380 милиони денари, а го гради австриската компнаија „Штрабаг АГ“. Се очекува ПЕТ-центарот да почне да работи во 2015 година.