Врвот на поплавниот бран во Белград се очекува во вторник или среда
Врвот на поплавниот бран во Белград треба да биде во вторник или среда, изјави денеска припадник на Секторот за вонредни ситуации во МВР на Србија, Бојан Томиќ.
– Ситуацијата моментно не е алармантна. Сето ова што се презема се превентивни активности за случај на вонредно сценарио, изјави Томиќ.
Тој додаде дека ситуацијата со Млава кај Костолац е стабилна, дека постои стагнација на Сава кај Шабац и Сремска Митровица, но дека и понатаму е тешко да се претпостави до кое ниво ќе се зголеми водостојот на реката Сава.
Поради поплавите досега во Србија се евакуирани над 16.000 луѓе. Евакуацијата продолжува во Обреновац, Барич, Сремска Митровица, во реонот на Пожаревац и во неколку други места. Без струја во моментов се околу 76.000 домови во 13 општини.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
