Ова е најлошата вест за викендот што следи

Времето утре во Македонија ќе биде променливо облачно, со повеќе сончеви периоди. Во западниот дел од земјата ќе има и услови за појава на слаб дожд. На планините во западните делови од земјата ќе има појава на слаб снег.

Утринската температура ќе се движи од еден до осум, а дневната од девет до 15 степени.

Во Скопје слично време, претпладне променливо облачно со сончеви периоди, а попладне со услови за слаб дожд. Утринската температура ќе се спушти до четири, а дневната ќе се искачи до 13 степени.

Во деновите од викендов ќе биде значително ветровито, ќе дува слаб до умерен северен ветер. На моменти ветерот може да биде засилен. Ќе се задржи и натаму променливо облачно време со повеќе сончеви периоди.