Здравичарите ќе берат бадникови гранчиња
Во месноста Говрлевска Краста, на падините на Водно денеска ќе се берат бадникови гранчиња. На 6 јануари, на одбележувањето на Бадник, на платото пред Соборниот храм „Св. Климент Охридски“ во Скопје гранчињата ќе им се делат бесплатно на сите верници.
Бадниковото гранче, симбол на среќата, сонцето и животот свечено ќе го пресече годинашниот кум на Бадник 2014 Методија Стефановски. Тоа ќе го стори и здравичарот Владимир Плавевски.
Предвидено е да присуствуваат стариот кум и здравичар, градоначалникот на Град Скопје Коце Трајановски, претставници од општина Сопиште, свештени лица од МПЦ, дипломати, граѓани..
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
