Активни шест пожари, три под контрола
На територија на државава, според информациите од Центарот за управување со кризи, активни се шест пожари, а три се ставени под контрола.
Активни се пожарите кај селото Марвинци во општина Валандово, кај селото Ајватовци во општина Илинден, кај селата Црнилиште и с. Долгаец во општина Долнени, кај селото Живиње во општина Куманово, кај селото Липково во истоимената општина и кај селото Никуштак, исто така во општина Липково.
Под контрола се три пожари и тоа на планината Кожуф, на Јасен, како и пожарот кај Вардариште.
Центарот за управување со кризи информира дека до 18 часот регистрирани биле вкупно 16 пожари од кои седум се изгаснати.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
