(ВИДЕО) Уште еден познат актер пронајден мртов во неговиот дом: Имаше само 35 години

Еван Елингсон, поранешна детска ѕвезда, за кој се чинеше дека е на пат кон голема слава, почина на 35 години.

Поранешниот актер, кој не глумел повеќе од една деценија, починал во неделата во неговиот дом во округот Сан Бернардино, каде што неговото тело било откриено во неговата спална соба, соопштиле од канцеларијата на патологот. Точните околности на неговата смрт  во овој момент се нејасни, но официјални лица велат дека засега нема знаци на насилна смрт.

Таткото на Еван, Мајкл, успеал да даде малку повеќе детали, кажувајќи за американскиот портал ТМЗ дека Еван бил пронајден во дом за оние кои се опоравуваат од зависност.

Тој се борел со дрога во минатото, но во последно време му било подобро и неговата ненадејна смрт била целосен шок за семејството.

Еван можеби е најдобро запаметен по глумењето заедно со Камерон Дијаз – како нејзиниот син тинејџер – во филмот „Чуварот на мојата сестра“ (My Sister’s Keeper) од 2009 година.

Тој беше познат и по неговата повторлива улога како Кајл Хармон во серијата „ЦСИ: Мајами“, во која глумеше во вкупно 18 епизоди во текот на 3 години.

Тој всушност почна да се занимава со шоубизнис на 13 години со мала улога во ТВ филм, како и со гостување во „Општа болница“. Оттаму, тој продолжи да глуми во серии како „Титус“, „Тоа беше тогаш“, „Луд ТВ“, „Целосно дивјаци“, „Коски“, „24“ и други.