Темелковски во работна посета на Тирана

Заменик министерот за животна средина и просторно планирање Стево Темелковски од денеска е во посета на Тирана на состанок со партнерите од проектот „Заштита и одржливо користење на биодиверзитетот во Преспанското, Охридското и Скадарското Езеро“. 

Покрај него на средбата ќе присуствуваат и претставници од Албанија и од Црна Гора со цел размена на информации за структурата на националната заштита на водените басени на трите езера, како и за статусот, можностите и предизвиците за воспоставување на прекугранична соработка во заштитата на овие водени ресурси.