Трагедија ја потресе Македонија: Загина тинејџер во тешка сообраќајка
Тешка сообраќајна несреќа со фатални последици се случи рано изутринава (29 јули) околу 01:40 часот на улицата „Илинденска“ во Гостивар. Во несреќата учествувале патничко возило „БМВ“ со швајцарски национални ознаки, управувано од 38-годишниот И.М. од селото Балиндол, гостиварско, и мотоцикл со гостиварски регистарски ознаки, управуван од 18-годишниот А.Б. од Гостивар.
Како што соопшти МВР, од здобиените повреди мотоциклистот починал на самото место. Смртта ја констатирал лекар од Итната медицинска помош.
Возачот на автомобилот, И.М., е лишен од слобода, а по наредба на јавен обвинител увид на местото извршила екипа од ОВР Гостивар.
По целосното документирање на случајот, против него ќе биде поднесена соодветна пријава.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
