Попова: Шилегов новиот купувач на градската куќа ќе го „почести” гратис земјиште и нула износ на комуналии

Зад продажбата на новата градска куќа од страна на Петре Шилегов се крие основан сомнеж за криминал. Шилегов новиот купувач на градската куќа ќе го “почасти”, гратис земјиште и нула износ на комуналии, истакна Ирена Попова, Советник во Советот на Град Скопје.

-Еве ги и фактите:

– фрапантно е што Шилегов новиот купувач на градската куќа ќе го части со гратис бесплатно земјиште и нула денари комуналии за градот Скопје. Имено градската куќа беше планирана како објект каде ќе биде сместена градската администрација, и за таа цел Градот искористи државно земјиште, а градбата беше ослободена од комуналии. Сега Шилегов ќе го почасти новиот купувач и газда со гратис бесплатно земјиште и комуналии.

– Продажбата ќе оди преку негативна електронска аукција што значи дека цената на продажбата може и да паѓа. Значи сумата која е инвестирана ќе биде повисока, од цената по која ќе се продаде, а Скопје ќе бележи загуба, рече Попова и додаде:

„Објаснувањата на Шилегов дека сега се сетил дека градбата е нефункционална се излитен параван зад кои се крие сомнеж за криминални интереси. Ако било тоа така зошто овој градоначалник вложи и инвестираше 3 милиони евра за довршување на објектот. Значи Шилегов според неговите зборови дозволил инвестиција во објект кој за него е нефункционален и тоа изнесува 3 милиони евра. Бесплатното земјиште и комуналии  е врвот на неодговорното и разуздано владеење на Шилегов. Ова е нова бомбона бизнис во кој нашите сомнежи се дека некој значително ќе се офајди. Пред очи на целата јавност се случува разграбување и оштетување на имотот на Скопјани. 2 години крадоначалник Шилегов, 2 години лаги, криминали и неработа“.