Пожар зафати две викендици во охридското село Трпејца
Голем пожар попладнево избувнал во охридското село Трпејца, при што со пламен биле зафатени два објекти од викенд-населбата сместена на јужниот дел на селото. Пожарот е целосно изгаснат.
Според информациите од командирот на територијалната противпожарна единица Спасе Прентоски, пожарот бил пријавен во 13:51 часот по што веднаш било интервенирано со три противпожарни возила и десет пожарникари.
Според последните информации, пожарот е целосно изгаснат, а навремената интервенција спречила проширување на пламенот на околните објекти. Во пожарот е уништен горниот кат на едната куќа, додека на другата куќа изгорела покривната конструкција.
Причините за избувнувањето на пожарот ќе се испитуваат дополнително.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
