Шест месеци бездомник живеел во хорор – држен под катанец и принуден да питачи

39- годишен бездомник со месеци живеел како во хорор филм. Седум години постара жена од скопскиот прифатен центар го искористила неговото нарушено ментално здравје и живеела од неговото питачење.

Кога не била задоволна од добиената сума, физички и психички го малтретирала. Со цел повеќе да заработи, осомничената на бездомникот му ги одзела чистите алишта и обувки.

„Тој понекогаш добивал и облека од граѓани, но таа му била одземана и преродавана, а за да предизвика чувство на сожалување при питачењето, пријавената не му дозволувала да води лична хигиена и не му давала да носи обувки“ изјави Марија Јаковлевска портпарол на МВР.

 Двајцата бездомници заедно живееле во прифатниот центар „Чичино село“.

„За да не избега, со месеци 39-годишниот бездомник со нарушено ментално здравје бил заклучуван во соба со катанец и решетки на прозорците овде во Прифатниот центар „Чичино цело“

При акциската котрола на  министерството за труд и социјална политика и МВР двајцата бездомници биле забележани како питачат на скопските улици.

Во разговор со службено лице, 39-годишниот бездомник ја раскажал својата шестмесечна голгота.

За стореното кривично дело бездомничката веќе се наоѓа зад решетки. МВР ја сомничи за „противправно лишување од слобода“.