Падна познат македонски хирург - го фатиле како прима мито

Прилепскиот хирург, 61-годишниот М.Н. е осомничен дека сторил кривични дело „злоупотреба на службената положба и овластување“ и „примање поткуп“, заради што против него е поднесена кривична пријава, а одредена му е мерка притвор во траење од 8 дена..

 

Пријавениот, кој е вработен како доктор специјалист хирург, со намера да се стекне со противправна имотна корист, во повеќе наврати, злоупотребувајќи ја својата службена положба, за службено дејствие кое морал да го изврши – лекарски прегледи и хируршка интервенција, како и постоперативни контроли, врз пациент од болницата, по кажување на пријавителката побарал и примал парични средства во вкупен износ од 24.000 денари, како и парични средства во вкупен износ од 12.000 денари, во текот на контролите во месеците февруари, март, април и мај 2014 година, со што се стекнал  со противправна имотна корист во вкупен износ од 36 000 денари.

 

По Наредба од ОЈО Прилеп, од страна на полициски службеници со потврда од пријавениот е одземена една банкнота во апоен од 100 евра, кои претходно биле криминалистички обработени.