Филипче: Посебна осмомартовска честитка упатувам до сите мои колешки
Во оваа криза, жените медицински работнички, покажаа колку се цврсти и силни да се борат со пандемијата, еден од најголемите предизвици на столетието. Покажаа дека се подготвени неуморно да се вложат и да се жртвуваат себеси за животот и здравјето на своите сограѓани и доброто на зедницата, напиша министерот за здравство Венко Филипче на својот Фејсбук профил.
„Со сета почит кон нивната големина и храброст, посебна осмомартовска честитка упатувам токму до нив, сите мои колешки. По повод празникот, денеска ги посетив медицинските сестри на Универзитетската Клиника за Анестезија, Реанимација и Интензивно лекување, лично им се заблагодарив за нивниот влог во оваа битка и им го честитав Меѓународниот ден на жената“, напиша Филипче.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа