Евровизија се враќа во Виена во 2026 година

Евровизија се враќа во Виена, објави австрискиот државен радиодифузер ORF, организаторите на следното издание на музичкиот натпревар, чие финале ќе биде на 16 мај. Полуфиналињата ќе се одржат на 12 и 14 мај.

Австриската престолнина, храм на класичната музика и дом на повеќе од два милиони луѓе, ќе биде домаќин на Евровизија под слоганот „Европа, ќе танцуваме?“. Виена веќе беше домаќин на натпреварот во 2015 година, откако Кончита Вурст победи претходната година.

Овој пат, Евровизија ја донесе во Австрија Џ.Ј., 24-годишно момче од филипинско потекло.

„Репутацијата на Виена како еден од најважните градови во светот за музика, како и нејзината локација во срцето на Европа, ја прават идеален домаќин“ за 70-то издание на Евровизија, рече нејзиниот директор Мартин Грин по објавувањето на ORF.

Виена веќе беше домаќин на натпреварот во 1967 година, десет години по неговото лансирање. Денешниот натпревар е сосема различен од таа ера – поекстравагантен, поспектакуларен и често кичест.

Минатогодишното издание го гледале 166 милиони гледачи во 37 земји.