Детали за пожарот во Требеништа - познат е идентитетот на жртвата

Седумдесет и седумгодишна жена (Б.Н.) е жртвата на пожарот што изби во куќа  во селото Требеништа, општина Дебрца.

Според информациите од охридската полиција, во куќата се наоѓале и нејзиниот 79-годишен сопруг и нејзината 70-годишна сестра која се здобила со повреди и со возило на Итната медицинска помош била пренесена во Општата болница во Охрид.

Во гаснењето на пожарот интервенирала Територијалната противпожарна единица од Охрид, а увид на местото извршила увидна екипа предводена од јавен обвинител.

Засега нема информации за причината за пожарот.