Водата во браната Липково се избиструва
Браната Липково полека се стабилизира, по вчерашните врнежи од град и дожд, соопштија денеска од Водостопанство „Кумановско-липковско поле“.
- Во текот на вчерашниот ден, во попладневните часови, дојде до заматување на водата во брана Липково, како и поплавување на тунелот од брана Липково до „чвориште“ на место викано „Калишњак“. Во директниот вод што води до филтер станица на ЈП ВОДОВОД Куманово е надојдена заматена вода, информираа од кумановското водостопанство
Оттаму соопштуваат дека вво текот на денешниот ден веќе до „Водовод“ Куманово пристигнува вода со мала заматеност над дозволеното. Брана Липково веќе е сталожена, со што се очекува во вечерните часови, „Водовод“ Куманово да добива вода со заматеност во граници на дозволеното.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
