(ВИДЕО) Спасовски од ЕK: РСМ е подготвена и способна да го обезбеди своето место во ЕУ

Денеска во Европската Комисија во Брисел, министерот за внатрешни работи Оливер Спасовски, по завршувањето на Меѓународната конференција за глобален сојуз за борба против криумчарење мигранти, на која што учествуваше со свое обраќање на македонски јазик, упати видео порака до граѓаните на Република Северна Македонија.

Истакнувајќи го задоволството што на покана на еврокомесарката за внатрешни работи и миграции Илва Јохансон, е дел од конференцијата во Брисел, заедно со колегите министри од земјите членки на ЕУ, претставници од Европскиот парламент, од Агенциите за правда и внатрешни работи на ЕУ – ЕВРОПОЛ, СЕЛЕК и ЕУРОЏАСТ, и меѓународните организации, кои како рамноправни партнери учествуваа на заедничката средба која ја отвори претседателката на ЕК Урсула Фон дер Лајен, Спасовски се осврна на резултатот од партнерската дискусија на рамноправни основи, во која сите се повикани да се потпрат едни на други – заедничкиот Повик за акција на засилена соработка помеѓу сите партнери.