ВИДЕО: Руски сериски убиец кој убил 83 жени, сака да оди на фронт

Рускиот сериски убиец кој отслужува две доживотни затворски казни за брутални злосторства изјави дека сака да биде ослободен од затвор за да им се придружи на силите на Владимир Путин кои се борат во Украина.

Михаил Попков (58) е поранешен полицаец кој во 2015 година е осуден за силување и убиство на десетици жени меѓу 1992 и 2010 година во Ангарск и Иркутск во Сибир и Владивосток. Во 2018 година, тој признал дополнителни убиства, со што бројот на неговите жртви достигнал 83, пишува Newsweek.

И покрај казната, руските власти дозволија државната телевизија да го интервјуира Попков, кој ги носи прекарите „Врколак“ и „Манијак од Ангарск“. Попков бил прашан од каналот Вести „кој е твојот сон? одговорил - „да се придружам на војската“. Тој рече дека признава дека борбите во Украина „не се компјутерска игра“ и дека „ова не е фикција за суперхерои“.

„Со оглед на мојата воена специјализација, мислам дека сега е многу барана“, рече тој. „Иако 10 години сум во затвор, мислам дека не би било толку тешко да научам нови вештини“, додаде Попков. Тој не прецизирал какво е неговото воено искуство. Од затворот не ги коментирале изјавите на Попков.

A Russian serial killer would like to go to the front. But not now, when it's cold, because the cold doesn't serve him

The interview with Mikhail Popkov was issued by Russian public TV. The 'Maniac of Angarsk' killed and raped over 80 women. He serves a double life sentence. pic.twitter.com/BPHKjDxycM

— Belsat in English (@Belsat_Eng) January 15, 2023