Трагедија: Фудбалер почина на неговиот роденден
Фудбалерот на северноирскиот прволигаш Клифтонвил, Мајкл Њубери, ненадејно почина денеска на неговиот 27. роденден.
„Фудбалскиот клуб Клифтонвил е во тага од веста за смртта на Мајкл Њубери. Упатуваме најдлабоко сочувство до неговото семејство и пријателите, како и до многуте соиграчи со кои играше во текот на неговата кариера и навивачите кои ќе бидат потресени и тажни во овие многу тешки моменти. Почивај во мир Њубс“, објави Клифтонвил.
Натпреварите во Премиер лигата на Северна Ирска меѓу Клифтонвил и Дунганон и поранешниот клуб на Њубери, Линфилд против Ларн, кои беа закажани за вечерва, се одложени.
Њубери, кој кариерата ја почна во младинската академија на англискиот прволигаш Њукасл, освои две титули во северноирската Премиер лига со Линфилд.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
