Тошковски за синоќешните инциденти во Капиштец: Се преземаат мерки, мора и родителите да поведат сметка

Во врска со синоќешните инциденти што ги објави градоначалникот на Општина Центар Горан Герасимовски дека малолетници во Капиштец палеле петарди и вандализирале, Тошковски истакна дека ова не е прв случај.

-Три вакви настани се регистрирани изминатиов период, се постапува од страна на МВР. Најголем дел од лицата се малолетници и во однос на нив се преземаат соодветни постапки. Реагираме, но се повторуваат ваквите несакани настани. Ќе сториме се за превенирање, но преземеме и репресивни мерки ако е потребно. Мора и родителите да поведат сметка, порача министерот.