Семејно насилство во Гостивар: Маж нападнал три лица и се обидел да ја грабне ќерката

Вчера во 20.30 часот, полициски службеници од ОВР Гостивар го лишиле од слобода А.К.(36) од Гостивар.

-Полицијата постапила по претходна пријава дека физички ги нападнал неговата поранешна сопруга, нејзината мајка и нејзиниот партнер, а потоа со употреба на сила се обидел да ја земе неговата малолетна ќерка, за која старателството било дадено на поранешната сопруга, информираат од СВР Тетово.

Тој е задржан во полициска станица и по документирање на случајот ќе му биде поднесена соодветна пријава.