Приведен напаѓачот во хрватското училиште - по масакрот избегал во болница, се заклучил во тоалет и се обидел да се самоубие

Едно дете загина, наставник и шест ученици се повредени во напад со нож што се случи утринава во основното училиште „Пречко“ во Загреб.

Полицијата потврди дека напаѓачот е 19-годишен маж и дека е приведен.

Во дневникот на ХРТ беше објавено дека децата што го напуштале појадокот виделе крв во ходникот и млад човек како тепа момче.

Почнале да бегаат, настанала паника.

Младиот човек потоа влегол во првата паралелка на која наишол. Таму избол неколку ученици.

Потоа истрчал од училиштето и побегнал во блискиот здравствен дом, каде што се заклучил во тоалетот и се обидел да се самоубие, дознава ХРТ, што полицијата го спречила.

Според информациите од местото на настанот, напаѓачот бил облечен во црно.