Министерот Ивановски на ИТ состанок во Калифорнија

Министерот за информатичко општество и администрација Иво Ивановски учествува на состанокот на Независниот Панел за глобалниот интернет организиран од Интернет корпорацијата за доделени имиња и броеви (ICANN), кој вчера и денеска се одржува во Калифорнија, САД.

- Работата на панелистите  во ова високо тело е фокусирана на развојот  и глобализацијата на тековната интернет рамка и неопходните механизми поврзани со тој процес, информира Министерството за информатичко општество и администрација.

Министерот Ивановски ќе оствари средби со претставници од владини институции, приватниот сектор и светските телекомуникациски организации, со кои ќе сподели значајни искуства од областа на информациско-комуникациските технологии.

Завршниот состанок ќе се одржи во рамки на Светскиот економски форум, во мај 2014 година во Дубаи.