Катастрофа во Црното Море: Танкери се судрија, се излеа нафта
Двa танкери „Волгоњефт 212“ и „Волгоњефт 239“ се судрија во Црното Море поради невреме, поради што се излеале нафтени деривати, соопшти Руската Федерална агенција за поморски и внатрешен воден транспорт. Најмалку едно лице загина, пренесуваат руските медиуми.
„Денеска како последица на невремето во Црното Море се судрија две танкери „Волгоњефт 212“ и „Волгоњефт 239“. На бродовите имало 15 и 14 членови на екипажот. Како последица на несреќата во морето се излеале нафтени деривати“, се наведува во соопштението.
Почина еден од морнарите евакуирани од танкерот „Волгоњефт 212“, соопшти Министерството за вонредни состојби на својот канал Телеграм.
Во соопштението се додава дека е започната спасувачка акција. На местото на несреќата се испратени два брода и два хеликоптери, а во тек е евакуацијата.
На снимката од несреќата може да се види како едниот танкер се преполови.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
