Лавров: И покрај тензиите, Русија ќе има амбасадор во САД

Рускиот министер за надворешни работи Сергеј Лавров најави дека се започнати неопходните процедури за назначување на нов руски амбасадор во Америка.

„И покрај длабоката криза во односите, Вашингтон сè уште не е подготвен да ги прекине. Доколку продолжи овој пристап, новиот руски амбасадор во САД ќе биде навремено назначен, неопходно е да се спроведат внатрешни процедури“, изјави Лавров, пренесува РИА Новости.

Рускиот претседател Владимир Путин претходно го разреши Анатолиј Антонов од функцијата руски амбасадор во Соединетите Американски Држави.

Антонов е на чело на руската дипломатска мисија во САД од 2017 година, пренесува Танјуг.