Илон Маск: Ако победи Камала Харис, никогаш нема да одиме на Марс

Илон Маск ги информираше своите следбеници на платформата Икс дека планира да испрати пет вселенски летала на Марс во рок од две години, истакнувајќи ја амбициозната визија за иднината на меѓупланетарното патување.

„На крајот ќе има илјадници ѕвездени бродови кои ќе одат на Марс. Тоа ќе биде прекрасна глетка,“ изјави Маск, изразувајќи го својот оптимизам за иднината на неговата компанија „Спејс икс“.

Маск, кој е поддржувач на Доналд Трамп, предупреди дека уште еден мандат на демократската администрација би можел сериозно да го попречи патот кон Марс.

„Никогаш нема да стигнеме на Марс ако победи Камала,“ истакна Маск, реферирајќи на вицепретседателката Камала Харис. Ова е став што го дели и Трамп, кој вети дека за време на својот мандат ќе испрати луѓе на Марс.