Албанија трета во светот по раст на туризмот
Албанија го зазема третото место по раст на туризам, веднаш по Катар и Саудиска Арабија, објави Светската туристичка организација.
Албанскиот премиер Еди Рама ги објави најновите статистички податоци на СТО, кои се однесуваат на периодот јуни 2022-јуни 2023 година.
„Еве ја и компаративната табела од јуни минатата до јуни оваа година, штотуку објавена од Светската туристичка организација, каде Албанија е на третото место по раст во туризмот, по Катар и Саудиска Арабија, но без Светско првенство“, напиша Рама на Фејсбук.
Бројот на туристи во јуни е поголем за 76,4 отсто во однос на јуни минатата година, додека периодот јуни 2022 јуни 2023 година нивниот број е зголемен за 49,7 отсто.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
