Извештајот на ЕК за Македонија повторно пред пратениците

Пратениците и денеска ќе ја продолжат расправата за Извештајот на Европската комисија за напредокот на Македонија.

Во рамки на 74 седница, пратениците треба да расправаат и за Предлог законот за изменување на Законот за судовите, Предлог законот за извршување на Буџетот на Република Македонија за 2014 година, по скратена постапка и за измените и дополнувањата на Законот за заштита од пушењето, исто така по скратена постапка, како и за Предлог завршната сметка на Буџетот на Република Македонија за 2012 година, измените и дополнувањата на Законот за персоналниот данок на доход, на Законот за даноците на имот, на Законот за користење и располагање со стварите на државните органи и на Законот за пасиштата, на Законот за земјоделското земјиште, сите во прво читање.

Собранието треба да расправа и за измените и дополнувањата на Законот за социјалната заштита, на Законот за вештачење, и на Законот за парничната постапка, Предлог законот за медијација, Предлог законот за материјално обезбедување на невработени лица поради приватизација на претпријатијата со општествена и државна сопственост поднесен од пратениците од опозицијата.