ВМРО-ДПМНЕ: Со СДСМ криминалци се на улиците а патриоти по затворите
Македонија три години тоне. Кога ќе се тргнат розевите очила на Зоран Заев и ќе се погледне реалноста, секојдневието кое го живеат граѓаните ќе видиме. Ова го велат денеска од ВМРО-ДПМНЕ:
–
Понижени просветни работници.
–
Земјоделци кои немаат ни за леб.
–
Работници кои земаат минимална плата, ама враќаат дел од парите кои ги земаат на рака на работодавачите.
–
Лекари кои земаат плата со која не се покрива ниту месечната потрошувачка кошничка.
–
Бизниси кои се рекетирани.
–
Пензионери кои добиваат покачување со кое не можат да си купат ниту литро зејтин.
–
Студенти кои во ек на испитна сесија се уште не можат да се сместат во студентски дом.
–
Судии и обвинители кои не работат по закон, туку по диктат на власта.
–
Криминалци на улиците, а чесни граѓани и патриоти во затворите.
–
Професори на кои не можат мирно да штрајкуваат затоа што власта им се заканува.
Листата на понижувања и пропусти е бесконечна. Македонија не може вака. Со СДСМ на власт немаме функционална држава. Целиот систем е ставен во рацете на мафијата, а граѓаните се во заден план.
На хаосот мора да му се стави крај. Потребни се предвремени парламентарни избори час поскоро, додаваат тие.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа