Ја застанале и почнале насилно да ја допираат - струмичанка преживеа хорор на улица
29-годишна струмичанка вчера доживеала хорор среде улица. Како што информираат од полицијата, вчера околу 22.00 часот додека била во с. Василево и се распрашувала за нејзиниот поранешен сопруг и пришле две непознати лица кои и рекле дека истиот го познаваат и дека знаат каде се наоѓа во моментот. Потоа сите заедно тргнале кон местото викано . „Трските“ со намера да го најдат. Кога пристигнале на една од нивите едното лице и ги фатило рацете и почнало да ја допира во пределот на телото. Откако истата почнала да се противи и да вика лицето со употреба на сила и ја затворило устата, по што физички ја нападнало удирајќи ја со шлаканици по лицето. Во тој момент другото лице му рекло да ја остави и си заминало, додека истиот продолжил на сила да се обидува да и ја соблече облеката. Оштетената успеала да избега по што го пријавила случајот во полиција.
Извршен е увид на местото на настанот.
Пронајдени се двете лица и идентификувани. Се работи за А.Д.(18) и 15 годишен малолетник.
По наредба на Јавен Обвинител , А.Д. бил задржан во полициската станица во Струмица. Се работи на целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа