Словенија праќа помош за Македонија: 30.000 евра за поплавените

Владата на Словенија одлучи да додели 30.000 евра хуманитарна помош за погоденото население од поплавите во Македонија, соопшти денеска Амбасадата на Словенија во Македонија.

- Со паричната помош, која ќе биде испратена преку Меѓународната федерација на друштвата на Црвениот крст и Црвената полумесечина (IFRC), Република Словенија сака да придонесе кон отстранување на последиците од невремето и кон препречување односно намалување на ризиците за несреќи во иднина, се вели во соопштението.

Словенечката амбасада потсeтува дека Владата на Словенија веднаш по катастрофалните поплави во државава одговори на барањето на Македонија и испрати стручњак за координација во отстранување на последиците од несреќата, во рамки на Механизмот за цивилна заштита на Европската унија.