Машки труп пронајден во Штип - убиство или самоубиство?

На тврдината Исар во Штип утринава околу 9 часот и 20 минути пронајден е машки труп од страна на случаен минувач.

Портпаролот на СВР Штип, Гордана Панајотова потврдува дека станува збор за 40-годишниот Марјанчо Б. кој е пронајден мртов во близина на стариот резервоар на тврдината Исар во Штип.

По извршениот увид од страна на екипа од Полициската станица во Штип телото на починатиот е предадено на обдукција во Клиничка болница Штип по што ќе се утврди дали станува збор за насилна смрт или починатото лице самото си го одзело животот.

Повеќе детали од полицијата најавија во текот на наредните денови.