Седници на четири собраниски комисии
Во Собранието на Република Македонија денеска седници ќе одржат Националниот совет за евроинтеграции, Комисијата за финансирање и буџет, Комисијата за надворешна политика и Законодавно-правната комисија.
Националниот совет за евроинтеграции ќе одржи јавна расправа на тема „Република Македонија во Европската енергетска рамка“
На дневен ред на Комисијата за финансирање и буџет е Предлог - законот за изменување и дополнување на Законот за данокот на додадена вредност, по скратена постапка и Предлог – законот за гаранција на Република Македонија на обврските по Договорот за заем за финансирање на проектот Топлификација на Битола, кој ќе се склучи меѓу Кредитната банка за обнова - КфВ и АД ЕЛЕМ, по скратена постапка.
Комисијата за надворешна политика ќе расправа по Предлог - законот за изменување и дополнување на Законот за надворешни работи, по скратена постапка.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа