Гостиварец со пиштол ја бранел честа на сопругата

На улица “Чеде Филиповски“ во Гостивар, во близина на „Пазар-парк“, бил нарушен јавниот ред и мир со пукање од гасен пиштол, кога 30-годишниот С.И. од Чегране, откако со возило „Опел астра“ со гостиварски регистарски таблички пристигнал на тоа место, започнал вербална расправија со непознато лице, кое претходно телефонски повеќе пати ја вознемирувало неговата сопруга. Откако тој се обидел да го нападне, С.И. испукал еден куршум во воздух, по што непознатиот избегал.