Седници на четири собраниски комисии
Во Собранието на Република Македонија денеска ќе заседаваат законодавно-правната и комисиите за европски прашања, за земјоделство, шумарство и водостопанство и за финансирање и буџет.
Пред Законодавно-правната комисија се измените и дополнувањата на законите за лековите и медицинските помагала и за Државниот инспекторат за земјоделство во второ читање, измените и дополнувањата на Законот за јавните набавки во второ читање, Предлог-законот за користење и располагање со стварите во државна сопственост и со стварите во општинска сопственост во второ читање, Предлог-законот за царински мерки за спроведување заштита на правата од интелектуална сопственост во прво читање, како и Утврдувањето пречистен текст на Законот за работните односи.
Членовите на Комисијата ќе разгледаат и две барања за давање автентични толкувања, а ќе расправаат и по Предлог-законот за претворање на побарувањата на Република Македонија по основ на данок на додадена вредност и платени обврски кон странски кредитори и странски железнички претпријатија во траен влог во МЖ Транспорт АД Скопје во второ читање.
На дневен ред на Комисијата за европски прашања е Предлог-законот за царински мерки за спроведување заштита на правата од интелектуална сопственост во прво читање, додека Комисијата за земјоделство ќе го разгледа Предлог - законот за изменување и дополнување на Законот за Државниот инспекторат за земјоделство во прво читање.
Предлог-законот за користење и располагање со стварите во државна сопственост и со стварите во општинска сопственост,
Предлог - законот за изменување и дополнување на Законот за јавните набавки, сите во второ читање, како и за Предлог-законот за царински мерки за спроведување на заштита на правата од интелектуална сопственост во прво читање.
Пред Комисијата се е и Годишниот извештај за работата на Државната комисија за жалби по јавни набавки за 2014 година, Предлог-одлуката за давање согласност на Програмата за работа на Државната комисија за жалби по јавни набавки за 2015 година, Предлог-одлуката за давање согласност на Стратешкиот план на Државната комисија за жалби по јавни набавки за 2015 година, како и Предлог-одлуката за давање согласност на Финансискиот план на Државната комисија за жалби по јавни набавки за 2015 година.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
