Ништо од свадбените ѕвона: Познатата македонска фолкерка ја откажа свадбата
Фолк-пејачката Сања Барби, сепак, нема да се омажи за својот Кен во Швајцарија. Љубовната врска со струмичанецот Дејан Багашовски (27), кој долги години живее и работи во оваа европска земја и има свој бизнис во Луцерн, пукна неодамна, кога Сања замина кај него.
"Љубоморен маж и пејачка не одат заедно. Тоа го сфатив само по неколку недели заеднички живот со Дејан. И добро е што уште на почеток увидовме дека нема да нe биде заедно. Отсекогаш сум имала, да не речам, фобија од машка љубомора, а брачна заедница во такви услови секако дека не може да функционира. Во Швајцарија поминав три месеци, тоа е доволен период за двајца добро да се запознаат, но не ми е жал за ништо. Се разделивме како добри пријатели, секој на своја страна и секој со своите планови за иднината. Не жалам за ништо, млада сум и животот е пред мене. Подобро да се прекине во старт отколку да се разведувам со деца", вели Сања за Вест.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа