Холанѓанин по цели 50 години ја бара својата љубов Нада- Шест недели љубов и непростлива пречка

67- годишниот Мартин Хендрикс од Холандија пред цели 50 години бил на летување во Хрватска каде ја запознал својата голема љубов Нада Меџиќ од Љубљана.

Мартин сега сака да ја пронајде и да дознае каков е нејзиниот живот.

Својата љубовна приказна Мартин ја раскажал во холандската станица „Кро“ која има емисија наречена „Спомени“ (Memories), и која поврзува стари пријатели и поранешни љубови.

Тој ја раскажал приказната од 1964 година, кога летото заминал на кампување и ја запознал Нада. Не се сеќава во кое место летувал, но се сеќава дека Нада таму била со својата баба. Собрал храброст и седнал до неа, додека неговото друштво се забавували со вино и гитари.

- Кога ни се сретнаа погледите не можев да ги одвојам очите од неа. Толку многу ме маѓепса, а видов дека и таа ме гледаше. Собрав храброст и пријдов и прашав дали смеам да седнам до неа. Се сеќавам дека си помислив: „Боже колку е убава, толку грациозна и има толку убава руса коса, вели Мартин.

Мартин и Нада заедно поминале шест недели од летото, а потоа се сретнале и следното лето. Во меѓувреме се допишувале. Завршило летото и се договориле Мартин во зима да дојде во Словенија и ќе работи во хотелот на родителите на Нада, но нивните планови ги уништил таткото на Мартин кој му го сокрил пасошот за да не може да отпатува. Неговиот татко сакал тој да заврши факултет и да оди во војска. Контактот со Нада почнал да биде се послаб и писмата се поретко доаѓале. Поминале многу години и Мартин не се сеќава како точно ја прекинале врската.

- Поради сето тоа бев многу тажен, немоќен, фрустриран. Се сеќавам дека ги уништив сите писма и слики само за полесно да ја заборавам, рече Мартин, кој е денес во пензија. Тој подоцна се оженил и завршил факултет. За жал сопругата му починала на 50-годишна возраст. Има две деца и две внучиња.