Првиот твит на Јелена за Новак откако го смени презимето

Јелена, сопругата на најдобриот тенисер на светот, Новак Ѓоковиќ, и званично почна да го користи новото презиме.

После спектакуларната венчавка, која пред неполн месец се одржа на преубавиот Свети Стефан и медениот месец во Грција, брачниот пар Ѓоковиќ полека се привикнува на брачниот живот, но и се спремаат за раѓањето на своето прво дете.

Покрај тоа што носат бурми, сопружниците носат и исто презиме, па Јелена не чекаше долго на својот Твитер профил, на кој е многу активна, да го смени презимето од Ристиќ во Ѓоковиќ.  

Еден од првите твитови беше упатен токму кон Новак.

"Многу сум горда на својот сопруг", напиша Јелена, со тоа објавувајќи и линк од текст од индијски портал каде го опишуваат Новак како најхуманиот тенисер на светот.