МВР со детали за сообраќајката кај Стража: се судрија товарно возило и автомобил, има повредени
Три лица се повредени, од кои едно потешко во сообраќјната незгода што се случи утрово кај Стража.
Според информациите од МВР, во несреќата учествувале товарно возило „мерцедес вито“ со скопски регистарски ознаки, управувано од Б.К.(44) од Скопје и патничко возило „волво“ со скопски регистарски ознаки, управувано од В.С.(67) од Скопје.
„Во незгодата со тешки телесни повреди се здобил возачот на возилото „волво“, додека возачот на „мерцедесот“ и неговиот сопатник Ф.М.(55) од Скопје се здобиле со телесни повреди констатирани во гостиварската болница Ферид Мурад“, соопшти МВР.
По овластување на јавен обвинител, увид на местото извршила увидна екипа од ОВР Гостивар.
Поради несреќата, сообраќајот беше во прекин.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
