Кралот Чарлс примен во болница, откажани се сите настани

Британскиот крал Чарлс завршил во „краток период на набљудување во болница“ во четвртокот, откако утринава доживеал „привремени несакани ефекти“ од лекувањето на ракот, објави Бакингемската палата.

„Неговото височество сега се врати во Кларенс Хаус и, како мерка на претпазливост, во согласност со медицинските совети, утрешниот распоред на ангажмани исто така ќе биде изменет“, се вели во соопштението на палатата.

„Неговото височество би сакал да му се извини на секој што можеби бил во непријатност или разочаран поради ова“, се додава во соопштението, објави Си-Ен-Ен.