Гори дом за стари лица во Кавадаречко - Се евакуираат жителите

Пожар избувна во старечки дом во селото Чемерско во Кавадаречко, каде пожарникарите работат со цела сила на спасување на луѓето.

- РЦУК Велес, известува дека во селото Чемерско во Општина Кавадарци има пожар во старечкиот дом каде на терен се 10 пожарникари со 3 противпожарни возила и интервенираат, пренесува РЦУК Велес.

Додаваат дека на терен има уште 3 медицински тима и 2 полициски коли со 8 полицајци.

Се евакуираат 30 лица кои се сместени во старечкиот дом со 2 минибуси.

Засега нема детали за причината за настанување на пожарот и матерјалната штета.