Војната во Израел ги зголеми безбедносните мерки во БиХ

Зголемени се мерките за безбедност во Босна и Херцеговина поради процената на зголемениот ризик од терористички напади, потврди министерот на земјата, Ненад Нешиќ.

Тој во изјава за локалните медиуми рече дека оценката е дека моментната безбедносна состојба во земјата е добра, но дека се неопходни мерки на претпазливост поради можното прелевање на кризата предизвикана од ескалацијата на насилството на Блискиот Исток.

Министерот за безбедност на БиХ изјави дека безбедносните мерки сега се на повисоко ниво, без да појасни што точно значи тоа, но посочи дека полициските агенции во земјата без никакви пречки ги извршуваат своите задачи.

„Ги следиме настаните и во регионот и во светот и очекуваме ниту еден настан да не изненади“, изјави Нешиќ.

Конфликтите меѓу Израел и исламистичката група Хамас ја поделија јавноста во Босна и Херцеговина, во која се највисоките државни функционери, а палестинската заедница, која дејствува во земјата, постојано добива повици за јавно изразување на солидарност со Палестинците.