ВИДЕО: Опожарена „шкода“ во Чаир - настрада и „бмв“ со косовски регистарски таблички
„Шкода октавија“ се запали синоќа околу 2:30 по полноќ во скопски чаир.
Како што објави МВР, во пожарот зафатено било и друго возило, паркирано неспоредно до „шкодата“, но и угостителски објект.
-Синоќа во 02.30 часот во СВР Скопје било пријавено дека на ул.„Крсте Асенов“, на подрачјето на Бит Пазар, настанал пожар во патничко возило „шкода октавија“ со скопски регистарски ознаки, сопственост на Џ.Љ.(49) од Скопје. Од пожарот било зафатено и друго паркирано патничко возило „бмв“ со косовски национални ознаки, како и стакло од угостителски објект, се вели во полицискиот билтен.
Повредени лица нема, а увид извршила екипа од СВР Скопје.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
