ВИДЕО: Моторот на Боинг 787 вшмукал товарен контејнер

Необичен инцидент се случи минатата недела на аеродромот во Чикаго кога моторот на Боинг 787 вшмукал контејнер за превоз на стока. Авионот во моментов е приземјен поради оштетување на енергетската единица, а следеше истрага на американските власти.

Боинг 787-9 на „Американ ерлајнс“ беше оштетен откако десниот мотор вшмукал контејнер на аеродромот О’Харе во Чикаго (ОРД). Инцидентот се случил во четвртокот, на 17 октомври, за време на движењето на авионот по патниот правец на пат кон терминалот.

Дримлајнер, кој пристигна од Лондон (ЛХР) со летот АА47, се движеше зад Ербасот А350 на Ер Франс, а во еден момент меѓу двата авиони помина товарно возило на аеродромот. Контејнерите испаднале од приколките, а еден од нив завршил во десниот мотор на Боингот 787, а доказ за тоа е видео објавено на социјалните мрежи.

Ниту еден од патниците, членовите на екипажот и копнениот персонал не е повреден, јави Aviation24. Иако сè уште не е позната точната причина за инцидентот, се верува дека моќен воздушен млаз од моторот на Ербас А350 Ер Франс го префрлил товарот од приколката на аеродромското возило.

Федералната управа за авијација (ФАА) најави дека ќе започне истрага за инцидентот. Во краткиот извештај на веб-страницата на ФАА, се наведува дека патниците од летот АА47 нормално излегле од авионот.

Авионот кој беше оштетен во инцидентот на аеродромот во Чикаго е регистриран како N834AA. Станува збор за Боинг 787 стар шест и пол години, кој на почетокот на 2018 година беше испорачан на Американ Ерлајнс како нов. Според Planespotters, овој Dreamliner моментално е приземјен на аеродромот во Чикаго.