(ВИДЕО) Канал 5: Велешанецот Ване низ солзи „Греота е ова што го прават, на народот..“

Верувам дека знаат, тоа е гребење по коските, по нервите, не го доживеале, греота е ова што го прават, на народот....

Вака, велешанецот Ване, кој првично имал дијагноза - рак на дебелото црево кој се проширил и на белите дробови и црниот дроб, и го затекнавме пред Онкологија ни раскажа за тоа што чувствува откако дознал дека полицијата влезе од Онкологија и собира документи за да може да се потврдат сомнежите и наводите дека дел од лековите за болните се краделе и се препродавале на црно, пренесува Канал 5. Тој, иако има само пофални зборови за неговата докторка онколог, вели дека одамна е загубена довербата во здравството.

Со Ване во исти ред или пред врата на Онкологија денеска имаше редица пациенти и нивни блиски, кои велат ако се даваат раствори наместо лек, зошто чекаме со часови и молиме за лек.

Помладите пак, велат, не знаат што да очекуваат, кога не се сигурни дали се тие терапии оние кои ги примале. Велат, сон не не фаќа.

Други пациенти и нивни блиски, кои од Охрид рано дошле на Кликика се без коментар за случувањата, ама кажуваат дека и денеска како и секој ден на Онкологија е хаос.

Во меѓувреме, реагираат и лекарите. Првиот човек на Клинички центар вели дека сомнежите се срам за белиот мантил и побара да не се ставаат сите „во ист кош“, бидејќи ако има дело, има и конкретни сторители.

Помеѓу лекарите кои реагираа по изнесените сомнежи кои се во предистрага во обвинителство е и Д-р Драган Даниловски, поранешен министер за здравство. Тој на социјалните мрежи напиша дека ова што се случува е пораз и срам за белиот мантил, кој никогаш нема да може да се испере, пренесува Канал 5.