(Видео) Густ чад во Грција: За четири дена 300 пожари, изгореа 400.000 хектари земја
Грчките пожарникари веќе петти ден се борат да ги сопрат пожарите во Еврос, Александрополис и во шумата Дадија.
Како што јави „Екатимерини“, пожарите сè уште беснеат во другите региони на земјата, а главните фронтови, каде што пожарникарите се борат со пламените јазици, се во Евија, Самотраки, Макракоми и во Родопи на истокот од земјата. Во градот Менида од три дома за стари лица превентивно се евакуирани 150 лица.
„Огнот проголтува сè пред себе. Ситуацијата не е под контрола, се слушаат и експлозии. Сè укажува на тоа дека некој го наместил ова, но истрагата ќе ги утврди сите детали. Сите сили се на терен“, изјави заменик-градоначалникот на Филис во Грција, кој од вчера се бори со страшни пожари.
На социјалните мрежи граѓаните објавуваат фотографии од Атина, каде што небото е речиси црно од густиот чад.
Во Грција од саботата до вторникот избувнаа 300 пожари, при што изгореа повеќе од 400.000 хектари земја.
Вчера, 18 јагленосани тела беа пронајдени во шумата кај Дадија. Станува збор за мигранти.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
