Уапсен и казнет со 30.000 евра Грк кој влечел врзано куче за автомобил

По објавеното видео за инцидентот на островот Закинтос каде возач врза куче за задниот дел од своето возило, и го држеше кучето врзано додека возилото беше во движење, медиумите известуваат дека возаот е уапсен и казнет со 30.000 евра.

Инцидентот бил снимен од возач од друг автомобил, по што бил фатен и казнет сторителот.

Грчката полиција соопшти дека е уапсен 75-годишен маж и против него е поднесена кривична пријава за прекршување на законската регулатива за животните, изречена му е административна казна од 30.000 евра, а денеска ќе биде изведен пред јавен обвинител на Закинтос.

Надлежниот министер на полицијата, Нотис Митаракис, на социјалната мрежа Твитер искоментира дека вакви антиопштествени однесувања се строго неприфатливи.