Строги контроли: 13 дискотеки добија клуч на врата

Извршени се вкупно 82 контроли со записник на дискотеки и кабареа, информираше портпаролката на Владата, Марија Митева.

Од 23 објекти со лиценца, 13 не исполнуваат минимум технички услови и се изготвуваат решенија за одземање на лиценцата и забрана за работа.

Пет со истечена лиценца работеле изминатиот период.

-Кај 30 објекти откриени се неправителности по законот за угостителска дејност. Изречени се 28 прекршочни налоз и две затворања за пречекорување на работно време што значи и платен налог, рече Митева на прес-конференција.

Инспекциите се на терен. Се прави поопсежна истрага во која се вклучени повеќе институции, МВР, Министерство за економија, трудов инспекторат. Се испитува и дали има техничка документација за сите тие објекти на територија на целата држава.