Страшна несреќа кај Чешиново: Двајца загинати, петмина повредени
Двајца загинати и петмина повредени во тешка сообраќајна несреќа која попладнето се случила на експресниот пат Кочани – Штип во близина на селото Чешиново.
Како што велат од МВР за Press24, несреќата се случила во 12:26 часот, а во неа учествувале три автомобили, „фолксфаген голф“ со кочански регистарски таблици, „сеат“ со скопски и „цитроен“ со винички регистарски таблички.
-На местото на несреќата починале 2 лица, смрт констатирал лекар од Итната медицинска помош Кочани, додека според првичните информации 5 лица се здобиле со повреди и биле пренесени во Кочанската болница, велат од МВР, додавајќи дека ова се сепак само првични информации.
Се уште е во тек и увидот на местото на несреќата, каде присутни се јавен обвинител и увидна екипа од ОВР Кочани.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
